دەریاچەی وان زۆرترین گەشتیاری ڕۆژهەڵاتی کوردستان لە دەوری خۆی کۆدەکاتەوە

ئاڤا نیوز

 

دەریاچەی وان گەورەترین دەریاچەیە لە باکووری کوردستان کە بە گۆلی وان ناوزەند دەکرێت

 

وێنە گەورەکە: گولی وان لە ئەنجامی دیداردەیەکی سروشتی و تەقینەوەی گڕکانی چیای نەمروود دروستبووە و ڕووبەرێکی فراوانی بە ئاو داگیرکردووە.

 

ئەوەی پێویستە بیزانیت: بەهۆی هاوسنووری لەگەڵ ئێران گەشتیارێکی زۆر لە ڕۆژهەڵاتی کوردستانەوە سەردانی ئەو دەریاچەیە دەکەن، هەروەها بەهۆی ئەوەی ئاوەکەی سوێرە بەشێک لە هاووڵاتیان وەکو چارەسەری سروشتی بۆ نەخۆشی پێست بەکاردەهێنن، هاوکات بەشێکی زۆر لە دانیشتووانی وان لە مانگی ڕەمەزاندا بەربانگ لە کەناری دەریاچەکە دەکەنەوە.