سوپای پاسداران دەستگیرکردنی ژمارەیەک سیخوڕی ئیسرائیل ڕادەگەیێنێت

ئاڤا نیوز

 

سوپای پاسدارانی ئێران ڕایدەگەیێنێ، 12 سیخوڕ و هاوكاری ئیسرائیلیان لە شەش پارێزگای ئێران دەستگیر کردوون.
 
وێنە گەورەکە: فراوانبوونی جەنگی غەززە و گرژییەکانی ڕۆژهەڵاتی ناوەڕاست کاریگەری زۆری لەسەر ناوخۆی ئێران دروستکردووە، ئەو وڵاتە لەترسی هێرشی ئیسرائیل لە ناوخۆدا ڕێککارە ئەمنییەکانی تووند کردوون.

راگەیێنراوی فەرمی: سوپای پاسدارانی ئێران ڕایگەیاند: "توانیمان لە ئۆپەراسیۆنێکدا لە شەش شار 12 گومانلێکراو بەتۆمەتی سیخوڕیکردن بۆ ئیسرائیل دەستگیر بکەین".

 

زانیاریی زیاتر: ئێران لەلایەن ئەمریکاوە تێبینی زۆری لەسەرە لە بابەتی پشتیوانیکردنی تیرۆر، مەزندە دەکرێت ئەو وڵاتە ساڵانە 70 بۆ 100 ملیۆن دۆلار لە پشتیوانی حەماس و گرووپەکانی دژ بە ئیسرائیل خەرج بکات.

 

باکگراوند: پێشتر ئیسماعیل هەنیە، بەرپرسی مەکتەبی سیاسی حەماس کە کۆتایی مانگی حەوتی ئەمساڵ بەهۆی هێرشی ئیسرائیل لە تاران کوژرا، لە چاوپێكەوتنێکی کەناڵی ئەلجەزیرە ڕایگەیاندبوو، ساڵانە بزووتنەوەکەیان 70 ملیۆن دۆلار لە ئێران وەردەگرێت.