ترەمپ: زیلێنسکی باشترین فرۆشیاری سەرشەقامە

ئاڤا نیوز 

 

دۆناڵد ترەمپ، بەربژێری کۆمارییەکان زیلێنسکی بە باشترین فرۆشیاری سەرشەقام پێناسە دەکات، بەوەی دوای هەر سەردانێکی بۆ ئەمریکا بە وەرگرتنی ملیاران دۆلار دەگەرێتەوە ئۆکراینا. 

 

لێدوانی فەرمی: دۆناڵد ترەمپ، بەربژێری کۆمارییەکان ڕایگەیاند: "من بە شێوەیەکی جیاواز هەڵسوکەوت دەکەم ئەگەر لە هەڵبژاردنەکانی سەرۆکایەتیی ئەمریکا سەربکەوم، یەکەم شت پەیوەندی بە ڤۆلۆدیمیر زیلێنسکی و ڤلادیمیر پوتینەوە دەکەم، پێیان دەڵێم کاتی گەیشتن بە رێککەوتنە".

 

لەلایەکی دیکەوە: ترەمپ گوتی: زیلێنسکی دەیەوێت کامالا هاریس، بەربژێری دیموکراتەکان لە هەڵبژاردنی سەرۆکایەتیی ئەمریکا سەربکەوێت، چونکە یارمەتی دارایی لێیان وەردەگرن. 

 

زانیاریی زیاتر: ڤۆلۆدیمیر زیلێنسکی سەرۆکی ئۆکراینا، هەفتەی ڕابردوودا گەیشتە ئەمریکا، بڕیارە لە 26-9 لەگەڵ جۆبایدن سەرۆکی ئەمەریکا و کامالا هاریس جێگری سەرۆکی ئەمەریکا لە واشنتن کۆببێتەوە.