نوێنەری فەرمانبەرانی گرێبەست: سوپاس بۆ ئاڤا دەنگی ئێمەی گەیاند

ئاڤا نیوز

 

نوێنەری فەرمانبەرانی گرێبەست سوپاسی ئاڤا دەكات و دەڵێت، چەندین ساڵە ئێمە چاوەڕێین، دواجار ئاڤا دەنگی ئێمەی گەیاند و ئەنجوومەنی وەزیران بڕیاری بەهەمیشەییكردنی پەسەند كردین.

 

وێنە گەورەكە: دوای بڕیاری بەگرێبەستكردنی مامۆستایانی وانەبێژ، ئاڤا میدیا دەنگی فەرمانبەرانی گرێبەستیشی گەیاندە حكومەت بۆ بە هەمیشەییكردنیان، دواجار ئەنجوومەنی وەزیران بڕیاری بەهەمیشەییكردنی فەرمانبەرانی گرێبەستی پەسەند كرد.

 

لێدوانی فەرمی: سازان تۆفیق، نوێنەری فەرمانبەرانی گرێبەست بە ئاڤا نیوزی ڕاگەیاند: چەندین ساڵە ئێمەی فەرمانبەرانی گرێبەست، لە هەوڵی ئەوەدا بووین دەنگمان بە لوتكەی دەسەڵات بكات بۆ ئەوەی بكرێین بە هەمیشەیی، دواجار ئاڤا بەڵێنی دا دەنگی ئێمە بگەیەنێت و بەڵێنەكەی بەجێگەیاند و ئەنجوومەنی وەزیران بڕیاری بەهەمیشەییكردنی ئێمەی پەسەند كرد، سوپاس بۆ ئاڤا و هەوڵەكانی لەپێناو گەیاندنی دەنگی ئێمە.

 

لەلایەكی دیكەوە: نوێنەری فەرمانبەرانی گرێبەست ئاماژەی بەوەدا كە دوای بڕیارەكەی ئەنجوومەنی وەزیران، ئێستا چاوەڕێین دەست بە ڕێككارەكانی بەهەمیشەییكردنمان بكرێت.

 

زانیاریی زیاتر: ڕۆژی 25-9-2024، ئەنجوومەنی وەزیران دوای گفتوگۆ و ڕاگۆڕینەوە، بە شێوەیەکی مەبدەئی بابەتی بەهەمیشەییكردنی فەرمانبەرانی گرێبەستی پەسەند کرد بە هەمان ئەو مەرج و میکانیزم و ڕێكارانەی کە حکومەتی فیدڕاڵ لەمبارەیەوە پەیڕەویان دەکات و بەگوێرەی پێداویستی و تایبەتمەندیی دامەزراوەکانی هەرێمی کوردستان. 

ئەوەی پێویستە بیزانیت: وەزارەتی دارایی و ئابووریی و ئەنجوومەنی گشتیی ڕاژەی هەرێمی کوردستان ڕاسپێردراون کە ڕێكاریی پێویست بگرنەبەر بە هەماهەنگی لەگەڵ وەزارەتی دارایی عێراقی فیدراڵ و لە چوارچێوەی هەمان تەرخانکراوی ئێستای مووچەی فەرمانبەرانی گرێبەست کە لە لایەن وەزارەتی دارایی عێراق مانگانە خەرج دەکرێت.

 

باكگراوند: فەرمانبەرانی گرێبەست لە سەرتاسەری هەرێمی كوردستان ژمارەیان زیاترە لە 30 هەزار فەرمانبەر.