نرخی نەوتی بەسرە لە خوار ئاستی چاوەڕوانیدایە

ئاڤا نیوز

 

تاوەکو ئێستا نرخی بەرمیلێک نەوتی بەسرە لە خوار 70 دۆلار مامەڵەی پێوە دەکرێت، لەکاتێکدا نرخی تێکڕا بۆ هەر بەرمیلێک بە 69.82 تۆمارکراوە، ئەمەش دوورە لە ئاستی چاوەڕوانییەکان.

 

وێنە گەورەکە: ئەمڕۆ شەممە 28ی ئەیلولی 2024، نرخی نەوتی قورسی بەسرە لە دوایین هەفتەی مامەڵەکردنی گرێبەستەکانی داهاتوو لەژێر ئاستی چاوەڕوانی دابوو و نرخی هەر بەرمیلێکی بە 66.82 دۆلار تۆمارکراوە. هاوکات نرخی نەوتی خاوی برێنت و تێکساس بەردەوامن لە بەرزبوونەوە.

 

ئەوەی پێشبینی دەکرێت: پێشبینی دەکرێت بەهۆی هێرشەکانی ئیسرائیل بۆ سەر لوبنان و کوشتنی حەسەن نەسروڵڵا، ئەمینداری گشتیی حیزبوڵڵای لوبنان، لە هەفتەی داهاتوودا کاریگەری لەسەر بەرزبوونەوەی نرخی نەوت دەبێت.

 

زانیاریی زیاتر: عێراق نرخی بەرمیلێک نەوتی لە بودجەدا بە 70 دۆلار جێگیرکردووە و دابەزینی نرخەکەی بۆ ژێر ئەم ئاستە دەبێتە هۆی کورتهێنانی بودجەی گشتی و کێشەی نەختینە.