لوبنان سێ ڕۆژ ماتەمینی بۆ کوژرانی نەسروڵڵا ڕاگەیاند

ئاڤا نیوز

 

حکومەتی لوبنان بەهۆی کوژرانی حەسەن نەسروڵڵا، ئەمینداری گشتیی حیزبوڵڵای لوبنان، سێ ڕۆژ ماتەمینی گشتی ڕاگەیاند.

 

وێنە گەورەکە: دوای کوشتنی حەسەن نەسروڵڵا لەلایەن ئیسرائیلەوە، حکومەتی لوبنان سێ ڕۆژ ماتەمینی گشتیی لە تەواوی وڵات ڕاگەیاند و تەواوی دامەزراوە حکومییەکان لە ڕۆژانی ماتەمینی دادەخرێن.

 

ڕاگەیێنراوی فەرمی: ڕۆژی شەممە 28-09-2024، لە ڕاگەیەندراوێکدا نەجیب میکاتی، سەرۆکوەزیرانی لوبنان، سێ ڕۆژ ماتەمینیی بۆ حەسەن نەسروڵڵا ڕاگەیاند.

 

زانیاریی بەدەستهاتوو: لە ڕۆژی دووشەممەوە ماتەمینی فەرمی لە لوبنان دەستپێدەکات و ئاڵای وڵات لەسەر باڵەخانە گشتییەکان دادەگیرێن، دامەزراوە گشتییەکانیش لە ڕۆژانی پرسەی نەسروڵڵا دادەخرێن.

ئەمەش بزانە: جگە لە لوبنان، عێراق بۆ ماوەی سێ ڕۆژ و ئێرانیش بۆ ماوەی هەفتەیەک ماتەمینییان ڕاگەیاندووە.