وەزیری دەرەوەی ئێران: ئەمریکا هاوبەشی ئیسرائیلە لە تیرۆرکردنی حەسەن نەسڕوڵڵا

ئاڤا نیوز

 

 عەباس عێراقچی، وەزیری دەرەوەی ئێران هۆشداری لە هەڵگیرسانی شەڕێکی سەرتاسەری لە ناوچەکەدا دەکات لەدوای پەرەسەندنەکانی ئەم دواییانەی لوبنان و کوژرانی حەسەن نەسڕوڵڵا، ئەمینداری گشتیی حیزبوڵڵا لەلایەن ئیسرائیلەوە.

 

ڕاگەیێنراوی فەرمی: عەباس عێراقچی، وەزیری دەرەوەی ئێران ڕایگەیاند، ''شەهیدکردنی نەسروڵڵا بێ وەڵام نابێت، هێزی حیزبوڵڵا بەهێزتر دەکات و بەرگرییەکە لاواز ناکات و دۆخەکە مەترسیدارە و هەموو ئەگەرێک لە ئارادایە".

لەلایەکی دیکەوە: عێراقچی پەنجەی تۆمەت بۆ ئەمریکا ڕادەکێشێت و پێی وایە ئەمریکا هاوبەشی کوشتنی نەسروڵڵایە و ناتوان ئەم ڕاستییە لابدەن.

ئەمەش بزانە: عەلی خامنەیی، ڕێبەری باڵای کۆماری ئیسلامی ئێران، بەهۆی کوژرانی ئەمینداری گشتیی حیزبوڵڵا، پێنج ڕۆژ ماتەمینی لە سەرتاسەری ئێران ڕاگەیاند.