لە نەمسا هەڵبژاردنی پەرلەمان دەستیپێکرد

ئاڤا نیوز

 

ڕۆژی یەکشەممە هەڵبژاردنی پەرلەمانی نەمسا بە بەشداریی شەش ملیۆن دەنگدەر لە سەرانسەری ئەو وڵاتە دەستیپێکرد، پێشبینی دەکرێت پارتی ڕاستڕەوی توندڕەو سەرکەوتنێکی مێژوویی تۆماربکات.

 

لێدوانی فەرمی: هێربێرت کیکل، سەرۆکی پارتی ئازادی لە میانی کۆبوونەوەی هەڵبژاردنی ئەم دواییەی ڕۆژی هەینی لە ناوەندی مێژوویی ڤیەننا ڕایگەیاند، ئەمجارە دۆخەکە جیاواز دەبێت و سەردەکەوین، ئەوە هەستی منە.

 

ئەوەی پێویستە بیزانیت: بەگوێرەی ئەو ڕاپرسیانەی کە لە سەرانسەری نەمسا کراون دەرکەوتووە، ڕاستڕەوە توندڕەوەکان بەڕێژەیەکی کەم لەپێش لایەنەکانی دیکەوەن.