تەرمی حەسەن نەسروڵڵا دەدۆزرێتەوە

ئاڤا نیوز 

 

تەرمی حەسەن نەسروڵڵا، ئەمینداری گشتیی حیزبوڵڵای لوبنان لەژێر داروپەردووی باڵەخانە ڕووخاوەکەی بەیرووت دۆزراوەتەوە و دەرهێنراوە. 

 

چیرۆکی سەرەکی: ئاژانسی هەواڵی ڕۆیتەرز بە پشتبەستن بە دوو سەرچاوەی ئیسرائیلی کە لەڕێگەی زانیاریی هەواڵگرییەوە لە لوبنانەوە دەستیان کەوتووە، بڵاویکردووەتەوە؛  ئەندامانی حیزبوڵڵا ئەمڕۆ یەکشەممە تەرمی حەسەن نەسروڵڵایان دۆزیوەتەوە و ناسنامەی ناوبراویان لەگەڵ تەرمی یەکێک لە فەرماندە باڵاکانی دیکەی حیزبەکەیان بە ناوی عەلی کەرکی پشتڕاست کردووەتەوە.

 

زانیاریی زیاتر:  دوو سەرچاوەکە باس لەوە دەکەن جەستەی حەسەن نەسروڵڵا هیچ برینێکی نەبووە، هەروەها هۆکاری مردنەکەی وا دیارە دەنگ بووە، مەبەستیان لە مردنیەتی بەهۆی دەنگی بۆمبەکان.
 
ئەمەش بزانە: سەبارەت بە جۆری ئەو چەکانەی لە هێرشەکەدا بەکارهێنراون، ژمارەیەک سەرچاوە باس لەوە دەکەن کە کێشی بۆمبەکان زیاتر لە دوو تۆن بووە. پێشتر سەرچاوە ئیسرائیلییەکان ئاشکرایان کردبوو کە زیاتر لە 80 بۆمب لە کوشتنی حەسەن نەسروڵڵادا بەکارهاتوون.

باکگراوند: ئێوارەی ڕۆژی هەینی 27-9-2024، ئیسرائیل لە هێرشێکی ئاسمانیدا لە بەیرووتی پایتەختی لوبنان حەسەن نەسروڵڵا و کۆمەڵێک بەرپرسی دیکەی باڵای حیزبوڵڵای لوبنانی کوشت، هێرشەکەش کاردانەوەی فراوانی لەسەر ئاستی جیهان لێکەوتەوە.