دوو گرووپی قاچاغی دەرمان دەستگیر دەکرێن

ئاڤا نیوز 

 

بەڕێوەبەرایەتیی ئاسایشی ئابووری سەر بە ئاسایشی گشتیی هەرێمی کوردستان، دەستگیرکردنی دوو گرووپی گەورەی قاچاغچیەتی دەرمانی بە شێوەی ئۆنلاین لە نێوان شارەکانی سلێمانی و کەرکووک و بەغدا ڕادەگەیەنێت، کە دەرمانیان هێناوەتە هەولێر و دهۆک.

 

وێنە گەورەکە: ئەو دوو گرووپە قاچاغچیە لە هەشت کەس پێکهاتبوون و 36 جۆری دەرمان و کەرەستەی پزیشکی ساختەیان بۆ شارەکانی هەولێر و دهۆک گواستووەتەوە و دواتر ساغیانکردووەتەوە.

 

زانیاریی بەدەستهاتوو: ئەو دوو گرووپە بەبڕیاری دادوەری لێکۆڵینەوەی ئاسایش ڕاگیراون، گرووپی یەکەم لە چوار تۆمەتبار پێکدێت، دوای دەستگیرکردنیان 524 دەرمان و کەرستەی جوانکاری سێکسیان لێگیراوە، گرووپی دووەمیش لە چوار تۆمەتبار پێکهاتوون لە دوای دەستگیرکردنیان، 182دەرمانی کێش دابەزاندن و زیادکردنیان لێگیراوە.

 

زانیاریی زیاتر: ئەو دوو گرووپە لە ڕێگەی پەیجی فەیسبووک ڕیکلامیان بۆ کاڵاکانیان کردووە، دواتر بەپێی داواکاریی کڕیاران کەرستەکانیان گواستووەتەوە بۆ هەولێر و سلێمانی.