بەکارهێنانی نوێی بۆتۆکس پەیوەندی بە مۆبایلەوە چییە؟

ئاڤا نیوز

ژمارەیەکی زۆر لە نەخۆشەکان لە بەریتانیا ڕوو لە بۆتۆکس دەکەن بۆ بەرەنگاربوونەوەی ئازاری مل کە بەهۆی بەکارهێنانی ئامێرە تەکنەلۆژیاییەکانی وەک مۆبایل و ئایپاد و کۆمپویتەر دروست دەبێت.

چیرۆکی سەرەکی: دەرزی بۆتۆکس کە لە کوردستان زیاتر بۆ جوانکاری و چارەسەرکردنی چرچی و لۆچی دەموچاو بەکاردەهێنرێت، لە وڵاتانی ڕۆژئاوا ئازاری چارەسەری ملی پێدەکرێت.

لێدوانی فەرمی: ئاشوین سۆنی، پسپۆڕی نەشتەرگەری جوانکاری دەڵێت، ژمارەی ئەو نەخۆشانەی داوای ئەم چارەسەرە دەکەن بەردەوام لە زیادبووندایە. ئەم پزیشکە مانگانە 10 نەخۆش دەبینێت کە زۆربەیان تەمەنیان لە سەرووی 40 ساڵەوەیە.

بڵاوکردنەوەی فەرمی: بەگوێرەی ڕۆژنامەی دەیلی مەیڵی بەریتانی، نەخۆشەکان بۆ بەرەنگاربوونەوەی ئازاری مل بۆتۆکس بەکاردەهێنن. دەرزی بۆتۆکس دەمارەکان ئیفلیچ دەکات و دەبێتە هۆی گرژبوونی ماسوولکەکان کە یارمەتیدەرە بۆ باشترکردنی جووڵەی مل. 

ئەوەی پێویستە بیزانیت: توێژینەوەیەکی نوێ لە کۆلێژی کینگز لە زانکۆی لەندەن دەریدەخات؛ شۆڕکردنەوەی مل چوار ئەوەندە پەستان لەسەر بڕبڕەی پشت زیاد دەکات و دەبێتە هۆی ئازاری مل و چەند کێشەیەک، لەوانە سەرئێشە بەهۆی گرژی و گرژبوونی ماسوولکەکانەوە.

زیانە لاوەکییەکان: هەرچەندە بۆتۆکس بەشێوەیەکی گشتی بە سەلامەت دادەنرێت، بەڵام هەندێک کاریگەری لاوەکی هەیە وەک سەرئێشە، ئازار و سەرگێژبوون.

چارەسەرەکان: ڕێکخراوی تەندروستی جیهانی پێشنیاز دەکات منداڵان ڕۆژانە کەمتر لە کاتژمێرێک لەبەردەم شاشە بەسەرببەن، بۆ ئەوەی نەوەی نوێ لەم گرفتە بەدووربن.