دوو پارێزگای عێراق شوێنی نیشتەجێبوون بۆ پەنابەرەکانی لوبنان تەرخان دەکەن

ئاڤا نیوز 

 

سێ کۆمەڵگەی نیشتەجێبوون لە هەر دوو پارێزگای سەڵاحەددین و دیالە بۆ پەنابەرەکانی لوبنان دروست دەکرێن. 

 

وێنە گەورەکە: لەگەڵ بەردەوامی هێرشەکانی ئیسرائیل بۆسەر لوبنان، شەپۆلی جێهێشتنی وڵاتەکە لەناوخۆ و بۆ دەرەوەش دەستیپێکردووە، لەو چوارچێوەیەشدا ئێستا نزیکەی 400 پەنابەری لوبنانی گەیشتوونەتە عێراق.

 

ڕاگەیێنراوی فەرمی: هەردوو پارێزگای دیالە و سەڵاحەددین ڕایانگەیاند، بڕیاریانداوە سێ کۆمەڵگەی نیشتەجێبوون بۆ پەنابەرەکانی لوبنان تەرخان بکەن.

 

ژمارەکان وادەڵێن: لە دیالە کۆمەڵگەیەکی نیشتەجێبوون بۆ پەنابەرەکان تەرخانکراوە کە لە 600 یەکەی نیتەجێبوون پێکدێت، لە سەڵاحەددینیش دوو کۆمەڵگەی نیشتەجێبوون تەرخانکراون و لە 500 یەکەی نیشتەجێبوون پێکهاتوون.