هەژماری فەرمی حوسییەكان لە پلاتفۆرمی ئێكس دادەخرێت

ئاڤا نیوز

پلاتفۆرمی ئێکس هەژماری حوسییەکانی داخست، ئەمەش دوای  ئەوەی ئەمریکا بڕیارەکەی بۆ خستنە لیستی تیرۆری حوسییەکان خستە بواری جێبەجێکردنەوە.

ئەوەی ئێستا ڕوودەدات: میدیاکانی یەمەن بڵاویانکردەوە: هەژماری فەرمی ئەنساروڵڵا کە تایبەتە بە حوسییەکان لەسەر پلاتفۆرمی ئێکس لەکارخراوە، ئەمەش بەهۆی پێشێلکردنی یاساکانی ئەو پلاتفۆرمە.

ئەوەی پێویستە بیزانیت: پێشتر وەزارەتی ڕاگەیاندنی حکومەتی یەمەن کە لەسەر ئاستی نێودەوڵەتی دانپێدانراوە، داوای لە پلاتفۆرمەکانی (فەیسبووک، ئێکس، تێلێگرام، ئینستاگرام و تیک تۆک) کردبوو، هەژمارەکانی حوسییەکان قەدەغە بکەن، چونکە وەک گرووپێکی "تیرۆریستی" پۆلێنکراون.

باکگراوند: ڕۆژی هەینی ڕابردوو وەزارەتی گەنجینەی ئەمریکا ڕایگەیاند: ئەو سزایانەی ئەمریکا بەسەر حوسییەکاندا سەپاندوونی دەچێتە بواری جێبەجێکردنەوە و وەک ڕێکخراوێکی "تیرۆریستی" مامەڵەی لەگەڵ دەکرێت.