وەزارەتی ناوخۆی عێراق لەسەر كوژرانی ئەندامێكی ڕەوتی سەدر ڕوونكردنەوە دەدات

ئاڤا نیوز

 

وەزارەتی ناوخۆی عێراق ڕایگەیاند كوژرانی ئەیسەر خەفاجیی، ئەندامی رەوتی سەدر لە بابل، لەلایەن كەسانی لە یاسا دەرچوو كراوە و سەرەداویان دەستكەوتووە.

ڕاگەیێنراوی فەرمیی: وەزارەتی ناوخۆی عێراق ڕایگەیاند: دوێنێ گرووپێكی لە یاسا دەرچوو لە شارۆچكەی ئەبی غەرقی شاری حیللەی باشووری عێراق، ئەیسەر خەفاجییان لەبەردەم ماڵەكەی خۆی بە ئۆتۆمبێل شێلاوە، پاشان ڕفاندوویانە بۆ شوێنێكی نادیار. ئەمرۆ تەرمەكەی لەسەر ڕێگای خێرای ناوچەی جیبلە دۆزراوەتەوە و سەرەداومان دەستكەوتووە لەسەر تاوانبارەكان.

باكگراوند: ئەیسەر خەفاجی لە ڕاگەیاندنی گرووپی سەرایا سەلامی سەر بە رەوتی سەدر كاری كردووە، دوێنیش دوای ڕفاندنی، چەكدارانی سەرایا سەلام لە چەند ناوچەیەكی بابل بڵاو بوونەوە.