سەرەڕای دژایەتی چوارچێوەی هەماهەنگی؛ سەرۆککۆماری عێراق مەرسوومی دەستبەکاربوونی عیدانی دەرکرد

ئاڤا نیوز

 

سەرۆککۆماری عێراق مەرسوومی دەستبەکاربوونی پارێزگاری بەسرەی بۆ ئەسعەد عەیدانی دەرکرد، لەکاتێکدا چوارچێوەی هەماهەنگی دژی دانانەوەی عیدانی بوون وەک پارێزگار. 

 

وێنە گەورەکە: هاوپەیمانیی تەسمیم 12 کورسیی ئەنجوومەنی پارێزگای بەسرەی بەدەستهێناوە، هەروەها ئەسعەد عیدانی، سەرۆکی هاوپەیمانەتییەکە 156 هەزار و 470 دەنگی بەدەستهێنا و  لەسەر ئاستی عێراق یەکەم بوو، ئەمڕۆ دووبارە بووەوە بە پارێزگاری بەسرە.

 

ئەوەی پێویستە بیزانیت: هەرچەندە چوارچێوەی هەماهەنگی دژی دانانەوەی پارێزگارەکان بوو، بەڵام ئەمڕۆ عەبدوللـەتیف ڕەشید، سەرۆککۆماری عێراق پێشوازی لێکرد و مەرسوومی دەستبەکاربوونی وەک پارێزگاری بەسرە بە ئەسعەد عەیدانی دا.

 

باکگراوند: ڕۆژی 05-02-2024، ئەنجوومەنی پارێزگای بەسرە، خەلەف بەدرانی لە هاوپەیمانیی نەبنی وەک سەرۆکی ئەنجوومەن هەڵبژارد، ئوسامە ئەسعەد، لە هاوپەیمانی تەسمیم وەک جێگری سەرۆکی ئەنجوومەن دیاریکرا.