مەسعود حەیدەر: لە چەند ڕۆژی داهاتوودا تەواوی مووچەی مانگی نۆ دەنێردرێت

ئاڤا نیوز 

 

وەزارەتی دارایی عێراق بەردەوام دەبێت لە خەرجکردنی ئەو مووچانەی کە خەرج نەکراوە و خەرجکردنی مووچەی فەرمانبەرانی ھەرێمی کوردستان، بەگوتەی بریکاری وەزیری دارایی عێراق لەڕۆژانی داهاتوو تەواوکاریی مووچەی مانگی نۆش خەرجدەکرێت.

 

وێنە گەورەکە: وەزارەتی دارایی عێراق، یەکەم گوژمەی بەبڕی 598 ملیاری دینارە وەک تەمویلی مووچەی مانگی نۆی فەرمانبەران و خانەنشینانی شارستانی و فەرمانبەرانی گرێبەست خستووەتە سەر هەژماری بانکی هەرێمی کوردستان، هەروەها بڕی 400 ملیار دیناری دیکەی پێویستە بۆ دابەشکردنی مووچە ئەم مانگە و بڕیارە لەم چەند ڕۆژە دابەش بکرێت.

لێدوانی فەرمی: مەسعود حەیدەر، بریکاری وەزیری دارایی عێراق ڕایگەیاند: "بەپێی بڕیاری ئەنجوومەنی وەزیرانی فیدراڵی عێراق ژمارە (24668)، وەزارەتی دارایی عێراق بەردەوام دەبێت لە خەرجکردنی ئەو مووچانەی کە خەرج نەکراوە و خەرجکردنی مووچەی فەرمانبەرانی ھەرێمی کوردستان وەکو ھەموو فەرمانبەرانی دیکەی عێراق تاوەکو کۆتایی ئەمساڵ.

 

زانیاریی زیاتر: بەگوتەی بریکاری وەزیری دارایی عێراق لەڕۆژانی داهاتوودا تەواوکاریی مووچەی مانگی نۆ دەخرێتە سەر هەژماری بانکیی وەزارەتی دارایی هەرێمی کوردستان.