چاوپێکەوتنی سەرۆکوەزیران مەسرور بارزانی لە ئاڤا ڕیکۆردی میدیای کوردی شکاند

ئاڤا نیوز

 

چاوپێکەوتنی سەرۆکوەزیران مەسرور بارزانی لە ئاڤا میدیا، بە کەمتر لە 24 کاتژمێر تەنیا لە فەیسبووک دوو ملیۆن بینەری تێپەڕاند.

 

وێنە گەورەکە: کاتژمێر 09:00ی شەوی ڕابردوو یەکەم چاوپێکەوتنی سەرۆکوەزیران مەسرور بارزانی لەگەڵ ئاڤا میدیا پەخش کرا، چاوپێکەوتنەکە لەڕووی بینەر و کاردانەوەوە ڕیکۆردی شکاند، بە جۆرێک تاوەکو ئێستا هیچ چاوپێکەوتنێک لەگەڵ هیچ کەسایەتییەکی سیاسی لە کوردستان و عێراق ئەوەندە بینەری نەبووە.

ئەوەی پێویستە بیزانیت: لەگەڵ دەستپێکردنی پەخشی چاوپێکەوتنەکە، لە زۆربەی بازاڕ و شوێنە گشتییەکانی هەولێر و شارە جیاوازەکانی کوردستان  لەڕێگەی شاشەی گەورەوە تەماشایان دەکرد، ئەمەش بەهۆی ئەوەی مەسرو بارزانی باسی زۆر پرسی گرنگی کرد بەتایبەت ئەو پرسانەی پەیوەستن بە ژیانی خەڵکەوە، وەکو چارەسەرکردنی پرسی مووچەکە و کێشەی ئاو و کارەبا.

ئەمەش بزانە: سەرۆکوەزیران مەسرور بارزانی لە چاوپێکەوتنەکەدا قسەی لەسەر چەند پرسێکی دیکەی گرنگ کرد، وەکو؛ ڕێکخستنەوەی پەیوەندییەکان لەگەڵ بەغدا، بەیاساییکردنی ڕێککەوتنەکان، هەڵبژاردن، پاراستنی قەوارەی هەرێمی کوردستان، دابینکردنی هەلی کاری زیاتر و دروستکردنی ژێرخان بۆ هەموو ئەو سێکتەرانەی  لە ڕابردوو بەبێ سیستم کاریان تێدا کراوە.