زێلێنسکی پلانی سەرکەوتنی ئۆکراینا ڕادەگەیێنێت

ئاڤا نیوز

زێلێنسکی خۆی ئامادە دەکات بۆ ئەوەی هەفتەی داهاتوو لە کۆبوونەوەی هاوپەیمانان "پلانی سەرکەوتن"ی شەڕ بەرامبەر ڕووسیا بخاتەڕوو.

 

وێنە گەورەکە: بەگوێرەی ئاژانسی ڕۆیتەرز، هەفتەی داهاتوو 12-10-2024 کۆبوونەوەی ئاسایی هاوپەیمانان لە "ڕامشتاین"ـی ئەڵمانیا دەکرێت، ڤۆلۆدیمیر زێلێنسکی، سەرۆکی ئۆکراینا "پلانی سەرکەوتن"ـی شەڕ پێشکەش دەکات.

 

لێدوانی فەرمی: ڤۆلۆدیمیر زێلێنسکی ڕایگەیاند: پلانی سەرکەوتن و هەنگاوی ڕوون و دیاریکراو بۆ کۆتاییهێنان بە شەڕ بەرامبەر ڕووسیا دەخەینەڕوو.

 

زانیاریی زیاتر:  مانگی ڕابردوو کاتێک زێلێنسکی سەردانی واشنتنی کرد، ئەو پلانەی پێشکەش  بە جۆ بایدن، سەرۆکی ئەمریکا و هەردوو بەربژێرەکەی سەرۆکایەتیی ئەمریکا کردووە، پلانەکە باس لە کۆتاییهاتنی شەڕی ئۆکراینا و ڕووسیا دەکات کە لە  شووباتی ساڵی 2022 دەستیپێکرد.

 

لەلایەکی دیکەوە: گوتەبێژی وەزارەتی دەرەوەی ئەمریکا ڕایگەیاند: پلانەکە کۆمەڵێک هەنگاوی بوونیادنەر لەخۆدەگرێت کە ئەمریکا لەسەر ئەو پلانانە هاوکاریی ئۆکراینا دەبێت.