دەستلەرزین؛ هۆکار و چارەسەرەکانی

ئاڤا نیوز

 

دەستلەرزین هەمیشە بە نیشانەی نەخۆشی دادەنرێت، بۆیە پزیشکانی پسپۆڕ بە دوای هۆکارەکانیدا دەگەڕێن و دەستنیشانیان دەکەن.

 

لێدوانی فەرمی: د.زرار حوسێن، پسپۆڕی نەخۆشییەکانی هەناو و دڵ بە ئاڤا نیوزی ڕاگەیاند: هەندێکجار هۆکاری لەرزینی دەستەکان مەترسیدار نییە و چارەسەریشی ئاسانە، بەڵام هەندێکجار هۆکارەکەی نەخۆشی تووند و ترسناکە بۆیە دەبێت بەهەند وەربگیرێت.

 

هۆکارە زانراوەکان:

-نەخۆشی ژەهراویبوونی ڕژێنی دەرەقی (غودە صامة).
- لەرزینی بۆماوەیی.
- نەخۆشی پارکینسۆنیزم. 
- وەرگرتنی بڕێکی زۆر لە کافایین (خواردنەوەی چا، قاوە، خواردنەوە گازی و وزەبەخشەکان).
- دڵەڕاوکێ و قەلەقی. 
- خواردنەوەی زۆری کحول یان سەرەتای وازهێنان لە کحول. 
- هەندێک جۆری دەرمان زیانی لاوەکیان هەیە و دەبنە هۆی دەستلەرزین وەکو فلۆکستین یان ئەمفتامین.  
- پەککەوتنی جگەر بەتایبەت لە قۆناغەکانی  کۆتایی.
- کەمی هەندێک جۆری ڤیتامین وەکو ڤیتامین Bـەکان.

•  

چارەسەرەکان: د. زرار حوسێن لەبارەی چارەسەرەکانی دەستلەرزین دەڵێت: چارەسەر بەپێی هۆکارەکەیەتی، بەڵام ئەو کەسانەی دەستلەرزینیان هەیە دەبێت خۆیان بەدووربگرن لە خواردنەوە کحولییەکان و خواردنەوەی بڕێکی زۆری چا و قاوە و ئەو خواردنەوانەی کافایینیان تێدایە.