سوپای قودس: پێویست بە بەیاننامە ناکات، قائانی سەلامەتە

ئاڤا نیوز

ئیرەج مەسجیدی، یاریدەدەری ڕێکخەری هێزەکانی قودسی سوپای پاسدارانی ئێران ڕاگەیاند، دۆخی ئیسماعیل قائانی باشە، فەرماندی سوپای قودس باشە و ئەو سەرقاڵی چالاکییە.

 

وێنە گەورەکە: مەسجیدی لە میانەی بەشداریکردنی لە ڕێوڕەسمێکی مەزهەبی لە تاران گوتی "زۆر کەس لێمان دەپرسن چی بەسەر سەردار قائانی هاتووە؟ بەڕێزیان لە سەلامەتن و سەرقاڵی چالاکین. هەندێکیش دەڵێن بەیاننامەیەک بڵاو بکەنەوە. بۆچی بەیاننامە؟ پێویست بە کاری لەم جۆرە ناکات."

 

لێدوانی فەرمی: پێشتر ئاژانسی ڕۆیتەرز لە زاری دوو بەرپرسی باڵای ئەمنیی ئێرانەوە ڕایگەیاندبوو، کە چارەنووسی ئیسماعیل قائانی نادیارە و هەموو پەیوەندییەکی لەگەڵدا پچڕاوە.

 

لەلایەکی دیکەوە: هێشتا چارەنووسی هاشم سەفییەدین، بەرپرسانی باڵای حیزبوڵڵای لوبنانی کە وەک جێگرەوەی حەسەن نەسڕوڵڵای ئەمینداری حیزبوڵڵا ناوی دەبرا، نادیارە.