بەمزووانە پرۆسەی دابەشکردنی زەوی لە هەولێر دەستپێدەکات

ئاڤا نیوز

ژمارەیەک نەخشەی کەرتی لە سنووری پارێزگای هەولێر تەواو بوون و بەمزووانە پرۆسەی دابەشکردنی زەوی دەستپێدەکات، شارەوانی هەولێر کار لەسەر ئامادەکردنی زیاتر لە 70 هەزار پارچە زەوی دەکات.

وێنە گەورەکە: هەفتەی داهاتوو پرۆسەی دابەشکردنی زەوی لە سنووری ئەو شارەوانیانە دەستپێدەکات کە زەوی ئامادەکراوە و کێشەی نەخشەی کەرتی و گۆڕینی ڕەگەزیان نییە، لە هەنگاوی یەکەمدا نزیکەی پێنج هەزار پارچە زەوی لە زاخۆ دابەش دەکرێن.

لێدوانی فەرمی: کارزان هادی، بەڕێوەبەری شارەوانی هەولێر لە کۆنگرەیەکی ڕۆژنامەوانیدا ڕایگەیاند: "ژمارەیەک نەخشەی کەرتی تەواو بوون، هەماهەنگی هەیە زەوییە کشتوکاڵییەکان لە سنووری هەولێر بکوژێنرێنەوە و ڕەگەزیان لە کشتوکاڵەوە بۆ نیشتەجێبوون بگۆڕدرێت، بەمزووانە تیروپشک بۆ دابەشکردنی زەوی دەکرێت."

ئەوەی پێویستە بیزانیت: بڕیارە لە ڕۆژانی 13 یان  14ی ئەم مانگە دەست بە پرۆسەی دابەشكردنی زەوی لە سنووری زاخۆ بکرێت، ئەگەر تاوەکو ئەو کاتە لە هەولێر و دهۆک زەوی ئامادە بوون پرۆسەکە لەو دوو پارێزگایەش دەستپێدەکات.

ئەمەش بزانە: نزیکەی 200 هەزار فەرمانبەر و خانەنشین لە پرۆسەی دابەشکردنی زەوی سوودمەند دەبن و هەر کەسێک 200 مەتر زەوی پێدەدرێت.