فازڵ نەبی: یەکێتی موزایەدە بە هەژماری منەوە دەکات

ئاڤا نیوز

بریکاری پێشووی وەزارەتی دارایی عێراق ڕایدەگەیێنێ، ئەوەی یەکێتی لەبارەی پرۆژەی هەژماری من دەیڵێت موزایەدەی سیاسییە و هیچ بنەمایەکی زانستی نییە.

لێدوانی فەرمی: فازڵ نەبی، بریکاری پێشووی وەزارەتی دارایی عێراق لەکاتی بەشداریکردنی لە گەشتی هەواڵەکانی بادینی ئاڤا میدیا، لەبارەی دژایەتیکردنی پرۆژەی هەژماری من لەلایەن یەکێتیەوە گوتی: "ئەمەی یەکێتی دەیکات موزایەدەیەکی سیاسییە نەک زیاتر، چونکە قوباد تاڵەبانی خۆی لە بابەتی هەژماری مندا بووە".

لەلایەکی دیکەوە: فازڵ نەبی هەژماری من بە پڕۆژەیەکی زۆر باش و جیهانی ناودەبات و دەڵێت: "کوردستان دەیەوێت وەک وڵاتانی پێشکەوتوو لە لایەنی بانکی پێشبکەوێت".

باکگراوند: وێڕای ئەوەی یەکێتی بەردەوام دژایەتی پرۆژەی هەژماری منی کردووە، باڤڵ تاڵەبانی، سەرۆکی یەکێتی چەند ڕۆژێک پێش ئێستا لەکاتی پێشکەشکردنی گوتارێک لە بانگەشەی حیزبەکەی داوای لە مووچەخۆرانی پارێزگاکانی سلێمانی و هەڵەبجە کرد خۆیان لە هەژماری من تۆمار نەکەن و لەبری ئەوە تەوتین بکەن.