ئاماری هەولێر داوایەك ئاراستەی دانیشتووانی پارێزگاکە دەكات

 

ئاڤا نیوز

 

بەڕێوەبەرایەتیی ئاماری هەولێر سەبارەت بە پرۆسەی سەرژمێریی گشتیی دانیشتووان لە هەرێمی كوردستان داوایەك ئاراستەی دانیشتووانی پارێزگای هەولێر دەكات.

 

وێنە گەورەكە: قۆناغی یەکەمی سەرژمێری گشتی لە پارێزگاکانی هەرێمی کوردستان لە سەرەتای ئەم مانگەوە دەستیپێكردووە و زیاتر لە حەفت هەزار کارمەند دابەشی سەر چەند ناوچەیەک كراون و لە ماوەی 40 ڕۆژدا كارەكان تەواو دەكەن، لە قۆناغی یەكەمدا سەرجەم باڵەخانەکان ژمارەیان بۆ دادەنرێت وەک ئامادەسازییەک بۆ قۆناغی دووەمی پڕۆسەکە كە سەرژمێریی تاك و خێزانە.

 
ڕاگەیێنراوی فەرمی: بەڕێوەبەرایەتیی ئاماری هەولێر ڕایگەیاند: داوا لە هاووڵاتیان دەکەین گرنگیی زیاتر بە پرۆسەی سەرژمێری بدەن و پێشوازی لە تیمەکانی سەرژمێری بکەن و زانیاریی دروستیان پێبدەن لەپێناو ئەنجامدانی سەرژمێرییەکی سەرکەوتوو و  بەدەستهێنانی ئەنجامێكی باش لە شاری هەولێر.

 

زانیاریی زیاتر: بڕیارە 20-11ی ئەمساڵ پرۆسەی سەرژمێریی گشتیی دانیشتووان لە سەرتاسەری عێراق و هەرێمی کوردستان بکرێت.