پارتی یەکێک لە گەورەترین کەرنەڤاڵە جەماوەرییەکانی لە دهۆک ڕێکدەخات

ئاڤا نیوز 

 

پارتی لە چوارچێوەی بانگەشەی هەڵبژاردن، بە ئامادەبوونی نێچیرڤان بارزانی و مەسرور بارزانی، یەکێک لە گەورەترین کەرنەڤاڵە جەماوەرییەکانی لە دهۆک ڕێکدەخات و پێشبینی دەکرێت دەیان هەزار کەس ئامادەبن. 

 

وێنە گەورەکە: ئەمڕۆ شەممە 12-10-2024، سێیەم گەورەترین کەرنەڤاڵی جەماوەری پارتی دیموکراتی کوردستان بە ئامادەبوونی دەیان هەزار ئەندام و لایەنگری ئەو حیزبە لە نێو یاریگەی دهۆک بەڕێوەدەچێت.

 

زانیاریی زیاتر: نێچیرڤان بارزانی و مەسرور بارزانی، جێگرانی سەرۆکی پارتی ئامادە دەبن و گوتار پێشکەش دەکەن، هاوکات کاندیدەکانی پارتی لە بازنەی دهۆک دەناسێنرێن.

 

ئەمەش بزانە: پارتی بۆ هەڵبژاردنی پەرلەمانی کوردستان بە لیستی 190  و بە دروشمی 'ئارامی و ئاوەدانی، پێکەوەیی و خۆڕاگری' بەشدارە، لە بازنەی دهۆک 48 کاندیدی هەیە و 15یان ئافرەتن.