سلێمانی لە خەرجكردنی پارە بۆ بانگەشەی ئەلیكترۆنی لە پلەی یەکەم دێت

ئاڤا نیوز

 

جگە لەوەی لە هەڵمەتی بانگەشەی هەڵبژاردن پۆستەر و وێنەی کاندید و لایەنە سیاسییەکان لەسەر شەقامەکان هەڵواسراون، کاندیدانی حیزب و لایەنەکان دەیان هەزار دۆلار لە سپۆنسەرکردنی تۆڕە کۆمەڵاتییەکان خەرج دەکەن.

 

وێنە گەورەکە: کاندیدانی پەرلەمانی کوردستان لە سۆشیاڵ میدیا و وێبسایت و پلاتفۆرمەکانی دیکەوە بانگەشەی هەڵبژاردن دەکەن و کاندیدانی بەرەی گەل زۆرترین پارەیان لە سپۆنسەرکردن خەرج کردووە.

 

لێدوانی فەرمی: کێوان حەسەن، ئەندازیاری ئەلیکترۆنی لە چاوپێکەوتنێکدا لەگەڵ ئاڤا نیوز ڕایگەیاند: لە ماوەی بانگەشەی هەڵبژاردنی پەرلەمانی کوردستان 460 هەزار پۆست لە تۆڕە کۆمەڵاتییەکان سپۆنسەر کراون.

 

ژمارەکان وادەڵێن: تەنیا ئەمڕۆ لە سنووری پارێزگاکانی سلێمانی، هەولێر و دهۆک، زیاتر لە 17 هەزار دۆلار بۆ سپۆنسەرکردنی پۆستەکان لە پلاتفۆرمەکان لە لایەن کاندیدەکانەوە خەرجکراوە و پشکی شێریش بەر تۆڕی کۆمەڵایەتیی فەیسبووک دەکەوێت و بەم شێوەیە:

سلێمانی: هەشت هەزار و 273 دۆلار .
هەولێر: شەش هەزار و 468 دۆلار.
دهۆک: دوو هەزار و 359 دۆلار.

 

گۆشەیەکی دیکەی دیمەنەکە: لە ماوەی مانگێکدا زیاتر لە 230 هەزار دۆلار بۆ بانگەشەی هەڵبژاردن خەرجکراوە و بەرەی گەل لە ڕێزبەندی یەکەمدایە:

سلێمانی: 103 هەزار و 351 دۆلار خەرجکراوە.،
هەولێر: 86 هەزار و 646 دۆلار خەرجکراوە.
دهۆک: 27 هەزار و 170 دۆلار خەرجکراوە.
کەرکووک: 15 هەزار و 574 دۆلار خەرجکراوە.
هەڵەبجە: 5 هەزار و 342 دۆلار خەرجکراوە.