وەزیری دەرەوەی ئێران سەردانی بەغدا دەکات

ئاڤا نیوز

 

بڕیارە سبەی یەکشەممە عەباس عێراقچی، وەزیری دەرەوەی ئێران بە سەردانێکی فەرمی بگاتە بەغدا و لەگەڵ بەرپرسانی عێراق کۆببێتەوە.

 

وێنە گەورەکە: شەڕی نێوان سوپای ئیسرائیل و گرووپە چەکدارییەکانی سەر بە ئێران تا دێت توندتر دەبێت و ناوچەکە لە لێواری شەڕێکی بەرفراونە، بۆ ڕزگارکردنی ناوچەکە لە ڕووبەڕووبوونەوەیەکی سەربازیی مەترسیدار، ئێران هەوڵەکانی خۆی لەگەڵ وڵاتانی ناوچەکە چڕکردووەتەوە. 

 

زانیاری بەدەستهاتوو: بڕیارە سبەی نیوەڕۆ وەزیری دەرەوەی ئێران بگاتە بەغدا و لە میانی سەردانەکەیدا لەگەل هەریەک لە لەتیف ڕەشید، سەرۆککۆمار، محەممەد شیاع سودانی، سەرۆکوەزیران و فوئاد حوسێن هاوتا عێراقییەکەی کۆببێتەوە.

 

ئەمەش بزانە: دوای گەشتەکەی هەینی ڕابردوو بۆ بەیرووت و دیمەشق، وەزیری دەرەوەی ئێران سەردانی سعودیەی کرد و لەگەڵ بەرپرسانی ئەو وڵاتە تاوتوێی کێشەکانی ناوچەکەیان کرد و دوای سەردانەکەشی بۆ سعودیە عێراقچی سەردانی قەتەری کرد و لەگەڵ بەرپرسانی ئەو وڵاتە کۆبووەوە.