وەزیری دەرەوەی ئێران سەردانی عێراق دەكات

ئاڤا نیوز

 

بڕیارە ئەمڕۆ عەباس عێراقچی، وەزیری دەرەوەی ئێران سەردانی عێراق بكات و لەگەڵ گەورە بەرپرسانی عێراق كۆببێتەوە.

 

وێنە گەورەكە: وەزیری دەرەوەی ئێران گەشتێكی بۆ ڕۆژهەڵاتی ناوەڕاست دەستپێكردووە، سەردانی لوبنان و سعودییەی كرد و لەچوارچێوەی گەشتەكەیدا بڕیارە ئەمڕۆ سەردانی عێراق بكات و چاوی بە بەرپرسانی عێراقیش بكەوێت.

 

لێدوانی فەرمی: ئیسماعیل بەقایی، گوتەبێژی وەزارەتی دەرەوەی ئێران ڕایگەیاند: "لە چوارچێوەی گەشتە دیپلۆماسییەکەیدا بۆ ناوچەكە، عێراقچی سەردانی بەغدا دەكات و لەگەڵ بەرپرسانی عێراقدا كۆدەبێتەوە".

 

ئەمەش بزانە: سەردانەكەی وەزیری دەرەوەی ئێران لە كاتێكدایە، پێشتر سەرۆككۆماری ئێران سەردانی عێراقی كردبوو و لەگەڵ گەورە بەرپرسانی هەرێمی كوردستان و عێراق ژمارەیەک دیدار و کۆبوونەوەی  ئەنجامدابوو، لەو کۆبوونەوەیەدا گفتۆگۆ لەسەر پەیوەندییە ئابووری و سیاسییەكانی نێوان هەردوولا كرابوو.