ئێران: پەیوەندیمان بە هێرشەکانی 7ـی ئۆکتۆبەر بۆ سەر ئیسرائیل نییە

ئاڤا نیوز

 

باڵیۆزی ئێران لە نەتەوەیەکگرتووەکان ئەو تۆمەت و دەنگۆیانە ڕەت دەکاتەوە کە باس لەوە دەکەن ئێران دەستی هەبووبێت لە هێرشەکانی حەوتی ئۆکتۆبەری ساڵی ڕابردووی حەماس بۆ سەر ئیسرائیل.

 

وێنە گەورەکە: دوای تێپەڕبوونی ساڵێک بەسەر هێرشەکانی حەماس بۆ سەر ئیسرائیل لە حەوتی ئۆکتۆبەری ساڵی ڕابردوو، ئێران لەڕێگەی نوێنەرەکەیەوە لە نەتەوەیەکگرتووەکان ڕەتی دەکاتەوە دەستی لەپشت ئەو هێرشە هەبووبێت.

 

لێدوانی فەرمی: ئەمیر سەعید ئیروانی، باڵیۆزی ئێران لە نەتەوەیەکگرتووەکان ڕایگەیاند: "هەر دەنگۆیەک هێرشی ساڵی ڕابردووی حەماس بۆ سەر ئیسرائیل بە ئێرانەوە ببەستێتەوە، هیچ بنامەیەکی نییە و دوورە لە ڕاستییەوە."

 

ئەوەی پێوسیتە بیزانیت: لە 7-10-2023 حەماس هێرشی کردە سەر کۆمەڵگە جوونشینەکانی ئیسرائیل لە نزیک کەرتی غەززە، بەهۆیەوە نزیکەی هەزار ئیسرائیلی کوژران و زیاتر لە 300 کەسی دیکە بەدیل گیران کە تاوەکو ئێستا چارەنووسی زیاتر لە 100 بارمتەیان نادیارە، لەبەرامبەردا ئیسرائیل هێرشی زەمینی و ئاسمانی بۆ سەر کەرتی غەززە دەستپێکرد، تاوەکو ئێستا زیاتر لە 40 هەزار فەڵەستینی کوژراون.