نێچیرڤان بارزانی سەردانی سلێمانی دەکات

ئاڤا نیوز 

 

كەرنەڤاڵێكی گەورەی جەماوەری بۆ سەرخستن و پشتیوانی لیستی 190ی پارتی دیموكراتی كوردستان لە  سلێمانی ڕێکدەخرێت و نێچیرڤان بارزانی، جێگری سەرۆکی پارتی دیموکراتی کوردستان ئامادەدەبێت.

 

وێنە گەورەکە:  لە 15-10-2024 بانگەشەی هەڵبژاردن بۆ خولی شەشەمی پەرلەمانی کوردستان کۆتایی دێت، هەزار و 191 بەربژێر کێبڕکێ لەسەر بەدەستهێنانی 100 کورسی دەکەن.

 

زانیاریی بەدەستهاتوو: بەگوێرەی زانیارییەکانی ئاڤا نیوز کەرنەڤاڵەکە کاتژمێر 01:00ی نیوەڕۆ لە نزیک باڵەخانەی مەکتەبی ڕێکخستنی سلێمانی - هەڵەبجە  بە ئامادەبوونی دەیان هەزار ئەندام و لایەنگری پارتی بەڕێوەدەچێت.

 

ئەوەش بزانە: نێچیرڤان بارزانی، جێگری سەرۆکی پارتی ئامادە دەبێت و گوتار پێشکەش دەکات، هاوکات کاندیدەکانی پارتی لە بازنەی سلێمانی دەناسێنرێن.

 

باکگراوند: پارتی دیموکراتی کوردستان لە سنووری بازنەی سلێمانی بۆ هەڵبژاردنی پەرلەمانی کوردستان 74 کاندیدی هەیە کە 18یان ئافرەتن.