پارتی گەورەترین کەرنەڤاڵی جەماوەریی لە هەولێر ڕێکدەخات

ئاڤا نیوز

لیستی 190ی پارتی دیموکراتی کوردستان گەورەترین کەرنەڤاڵی جەماوەریی لە یاریگای نێودەوڵەتیی فەرەنسۆ هەریری لە هەولێر ڕێکدەخات.
 

وێنە گەورەکە: بڕیارە ڕۆژی سێشەممە پارتی دیموکراتی کوردستان بە بەشداریی بەرپرسانی باڵا گەورەترین و دوایین کەرنەڤاڵی بانگەشەی هەڵبژاردن لە هەولێر ڕێکبخات و چاوەڕوان دەکرێت دەیان هەزار کەس ئامادەبن.

 

 بۆچی گرنگە: لەم کەرنەڤاڵەدا پارتی دوایین پەیامی خۆی لەبارەی هەڵبژاردن پێشکەشی خەڵکی کوردستان دەکات، ئاڤا زانیویەتی پەیامەکە کاریگەر و جیاواز دەبێت، سەرجەم کاندیدەکانیشی لە هەولێر دەناسێنێت کە ژمارەیان 64 کاندیدە.

 

ئەمەش بزانە: بەپێی ڕێنماییەکانی کۆمیسیۆن، ڕۆژی سێشەممە 15-10-2024، کاتژمێر دوانزەی شەو دوایین ڕۆژی بانگەشەی هەڵبژاردنی پەرلەمانی کوردستانە و کاتەکەی درێژ ناکرێتەوە.