هەزاران ئافرەت لە کەرنەڤاڵی پارتی لە هەولێر بەشدار بوون

ئاڤا نیوز 

 

ئێستا دوایین کەرنەڤاڵی بانگەشەی هەڵبژاردنی پارتی لە شاری هەولێر بەڕێوەدەچێت، دەیان هەزار ئەندام و لایەنگری پارتی بەشدارن و هەزارانیان ئافرەتن.

 

وێنە گەورەکە: ئێستا لە یاریگای فەرەنسۆ هەریری لە هەولێر، بە ئامادەبوونی سەرۆک بارزانی و هەردوو جێگرانی سەرۆکی پارتی نێچیرڤان بارزانی و مەسرور بارزانی، گەورەترین و دوایین کەرنەڤاڵی بانگەشەی هەڵبژاردنی پارتی  بە بەبەشداریی دەیان هەزار کەس بەڕێوەدەچێت.

 

لێدوانی فەرمی: د. خانزاد ئەحمەد، ئەمینداری گشتیی ئەنجوومەنی باڵای کاروباری خانمان بە ئاڤا نیوزی راگەیاند: کاری لەپێشینەی کابینەی نۆیەم و سەرۆکوەزیران مەسرور بارزانی، پشتگیریی و پشتیوانیکردنی ئافرەتان بووە تاوەکو ڕۆڵی خۆیان لە بوارەکانی تەندروستی و کشتوکاڵی و کارسازی و پەروەردە و تەواوی بوارەکانی دیکە ببینن.

 

لەلایەکی دیکەوە: د. خانزاد ئەحمەد، داوا لە ئافرەتانی کوردستان دەکات دەنگ بە لیستی 190ــی پارتی بدەن بۆ ئەوەی مافەکانیان پارێزراو بێت، هاوکات لە شۆڕشی ئەیلوول و ڕاپەرینی کوردستان و شەڕی داعش، هەمیشە ئافرەتان ڕۆڵێکی گرنگ و باڵایان هەبووە و پشتگیریی حکومەتی هەرێمی کوردستان و بوون، بۆیە ئەرکی ئێمەیە ئاستەنگەکان کەم بکەینەوە کە دێنە بەردەم ئافرەتان.