وەزارەتی دارایی عێراق مووچەی وەزارەتی کارەبا و فەرمانبەرانی پەرلەمانی کوردستانی خەرج کرد

ئاڤا نیوز

 

وەزیری دارایی حکومەتی عێراق واژۆی لەسەر خەرجکردنی 85 ملیار دیناری تایبەت بە فەمانبەرانی وەزارەتی کارەبا و پەرلەمانی هەرێمی کوردستان کرد.

 

زانیاریی بەدەستهاتوو: تەیف سامی وەزیری، دارایی حکومەتی عێراق، واژۆی لەسەر ناردنی 85 ملیار دیناری تایبەت بە مووچەخۆرانی وەزارەتی کارەبا و پەرلەمانی کوردستان کرد.

 

زانیاریی زیاتر: ڕۆژی 15-10-2024، سەرچاوەیەکی باڵا لە وەزارەتی دارایی حکومەتی هەرێمی کوردستان بە ئاڤا نیوزی ڕاگەیاندبوو: "نزیکەی 330 ملیار دینارمان لای بەغدایە، سێ هەفتەیە لەگەڵ وەزارەتی دارایی عێراق بۆ ڕەوانە کردنی لە گفتوگۆداین".

 

ئەمەش بزانە: سەرچاوەکەی وەزارەتی دارایی ئاماژەی بەوەشکرد: زۆربەی ڕێککارەکان تەواوکراون و کێشەکانمان چارەسەر کردوون، وەزارەتی دارایی عێراقیش لای خۆیانەوە وردبینییان تەواو کردووە و ڕەزامەندی داوە، تەنیا واژۆی تەیف سامی ماوە بۆ ئەوەی بخرێتە سەر هەژماری بانکی هەرێمی کوردستان".