کۆمسیۆن ژمارەی نوێنەرانی لایەنە سیاسییەکان و چاودێرانی ناوخۆیی و نێودەوڵەتی بڵاودەکاتەوە

ئاڤا نیوز

 

کۆمسیۆنی باڵای هەڵبژاردنەکانی عێراق ژمارەی نوێنەرانی لایەنە سیاسییەکان لەسەر سندووقەکانی دەنگدان بڵاوکردەوە کە زیاتر لە 35 هەزار نوێنەرە، ژمارەی چاودێرانی ناوخۆیی و نێودەوڵەتیش زیاتر لە پێنج هەزار کەسە، لەگەڵ ژمارەیەک کۆنسوڵخانە و ڕێکخراو و میدیای نێودەوڵەتی چاودێری هەڵبژاردنەکە دەکەن.

 

وێنە گەورەکە: ڕۆژی سێشەممە ماوەی بانگەشەی هەڵبژاردن کۆتاییهات و بڕیارە 18ی ئەم مانگە دەنگدانی هێزە ئەمنییەکان و زیندانییەکان بەڕێوەبچێت و 20ی مانگیش دەنگدانی گشتی بەڕێوە دەچێت، کۆمیسیۆن هەموو ئامادەکارییەکانی تەواو کردووە و ژمارەی چاودێرانیشی بڵاوکردەوە و گوتی: ژمارەکە کۆتایی نییە و ئەگەری گۆڕانکاریی هەیە.

 

ژمارەکان وا دەڵێن: جومانە غەللای، گوتەبێژی کۆمیسیۆنی باڵای هەڵبژاردنەکانی عێراق ژمارەی نوێنەری لایەنە سیاسییەکان و چاودێرانی ڕێکخراوە ناوخۆییەکانی بڵاوکردەوە  کە بەم جۆرەی خوارەوەن:-

هەولێر
حیزب: 12
ژمارە: دوو هەزار و 811 کەس
ڕێکخراوەکان: 26
ژمارە: هەزار و 754 کەس

سلێمانی
حیزب: 15
ژمارە: 23 هەزار و 813 کەس
ڕێکخراوەکان: 11
ژمارە: 644

دهۆک
حیزب: 17
ژمارە: هەشت هەزار و 183 کەس
ڕێکخراوەکان: 28
ژمارە: دوو هەزار و 876 کەس

هەڵەبجە
حیزب: دوو
ژمارە: 265
ڕێکخراوەکان: سفر

 

کۆی گشتی نوێنەرانی لایەن سیاسییەکان لەسەر سندووقەکانی دەنگدان 35 هەزار و 72  نوێنەرە و چاودێرانی ڕێکخراوە ناوخۆییەکانیش پێنج هەزار و 274 کەسن.

 

زانیاریی زیاتر: 14 کۆنسوڵخانە و 14 ڕێکخراوی نێودەوڵەتی بە هەزار و 655 کەس چاودێری هەڵبژاردن دەکەن  و 20 میدیای جیهانیش 102 نوێنەریان هەیە بۆ چاودێریکردنی پرۆسەکە.