لە زانکۆی دهۆک 5 هەزار قوتابی بڕوانامەی دەرچوون وەردەگرن

ئاڤا نیوز

بە ئامادەبوونی سەرۆكی هەرێمی كوردستان، گەڕی 29ی خولی دەرچووانی قوتابیانی زانکۆی دهۆک بەڕێوەدەچێت و زیاتر لە 5 هەزار قوتابی بڕوانامەی دەرچوون وەردەگرن.

چیرۆکی سەرەکی: کاتژمێر 05:00 ـی ئێوارەی ئەمڕۆ لە یاریگەی نێودەوڵەتیی دهۆک، بە ئامادەبوونی نێچیرڤان بارزانی، سەرۆکی هەرێمی کوردستان، ڕێوڕەسمی خولی دەرچووانی قوتابیانی ساڵی خوێندنی 2023-2024ی زانکۆی دهۆک بەڕێوەدەچێت و 5 هەزار و 51 قوتابی بڕوانامەی دەرچوون وەردەگرن.

ئەوەی پێوستە بیزانیت: زانکۆی دهۆک یەکێکە لە زانکۆ حکومییە گەورەکانی کوردستان،  ساڵانە  هەزاران قوتابی پۆلی دوازدەی ئامادەیی لە بەشەکانی زانستی و وێژەیی و پیشەیی وەردەگرێت، لە 31-10-1992 دامەزراوە و ئێستا زیاتر لە 13 کۆلێژ و 67 بەش لەخۆدەگرێت.

لەلایەکی دیکەوە: هەر ئەمڕۆ کاتژمێر 09:30 خولەکی بەیانی، خولی 29ی پێگەیاندنی ئەکادیمیای زاخۆ بە ئامادەبوونی نێچیرڤان بارزانی، سەرۆکی هەرێمی کوردستان و فەرماندەی گشتیی هێزەکانی پێشمەرگە بەڕێوەدەچێت.