ڕیال مەدرید 400 ملیۆن یۆرۆ لە بارسێلۆنا گرانترە

ئاڤا نیوز

ڕیال مەدرید گرانترین یانەیە لەسەر ئاستی خولی تۆپی پێی ئیسپانیا، جیاوازی نێوانیان لەگەڵ بارسێلۆنا نزیکترین ڕکابەری 400 ملیۆن یۆرۆیە.

وێنە گەورەکە: بەپێی ماڵپەڕی ترانسفێرمارکێت، بەهای یانەکانی ئیسپانیا لە بازاڕە داراییەکان بەرزدەبێتەوە و ڕیال مەدرید پلەی یەکەمی هەیە لەڕووی قەبارە و بەهای بازاڕەوە.

زانیاری زیاتر: بەپێی زانیارییەکانی ماڵپەڕەکە، ڕیزبەندی یانەکانی خولی ئیسپانیا لەڕووی بەهای بازاڕ بەمشێوەیەیە:

•    ڕیال مەدرید (1 ملیار و 350 ملیۆن یۆرۆ).
•    بارسێلۆنا (944 ملیۆن یۆرۆ).
•    ئەتلەتیکۆ مەدرید (510 ملیۆن یۆرۆ).
•    ڕیال سۆسیداد (444 ملیۆن یۆرۆ).
•    ئەتلەتیکۆ بلباو (339 ملیۆن یۆرۆ).

ئەمەش بزانە: جیاوازی ڕیال مەدرید لەگەڵ بارسێلۆنای نزیکترین ڕکابەری 400 ملیۆن یۆرۆیە و زیاترە لەکۆی بەهای یانەی ئەتلەتیکۆ بلباوی ڕیزبەندی پێنجەم، بەمەش ڕیال مەدرید بە گرانترین یانەی ئیسپانیایە دادەنرێت.