مەسیحییەکان: خۆمان لەگەڵ بڕیارەکەی دادگەی فیدراڵی دەگونجێنین

ئاڤا نیوز

 

دوای 15 جار دادبینی و دواخستن، ئەمڕۆ چوارشەممە دادگەی فیدراڵی پرسی هەڵبژاردنی پەرلەمانی کوردستانی یەکلاکردەوە و 11 کورسیی کۆتاکانی کریستیان، تورکمان و ئەرمەنی لە پەرلەمانی کوردستان هەڵوەشاندەوە.

 

لێدوانی فەرمی: رۆمیۆ هەکاری، سکرتێری گشتیی پارتی دیموکراتی بێت نەهرێن بە ئاڤا نیوزی گوت: "لە بڕیارەکەی دادگەی فیدراڵیی عێراق، ڕای ئێمە وەرنەگیراوە بەڵام لە هەموو دۆخێکدا خۆمان لەگەڵ ئەو بڕیارە دەگونجێنین". گوتیشی: "لەدوای ئەو ىڕیارەوە، ترسمان لەوە هەیە کورسیی کۆتاکانی عێراقیش هەڵوەشێتەوە".

 

زانیاریی زیاتر: بڕیارەکەی دادگەی فیدراڵیی عێراق مەسیحییەکانی بێهیوا نەکردووە و سەرەڕای بڕیارەکە، دەیانەوێت بەیەکەوە وەک کلدان، سریان، ئاشوور و ئەرمەنەکان بەشداری پرۆسەی هەڵبژاردن بکەن.