کۆمیسیۆن کاندیدە دەرچووەکەی کریستیان لە هەولێر سزا دەدات

ئاڤا نیوز

کۆمسیۆنی باڵای هەڵبژاردنەکانی عێراق سزای دارایی بە سەر یەکێک لە کاندیدی پێکهاتەکان لە هەولێر دەسەپێنێت. 

 

زانیاریی بەدەستهاتوو: بەپێی یاداشتێکی بەشی سکاڵا و تانەدان لە کۆمیسیۆن، دەستەی کۆمیسیاران بڕیاریدا سزای یەک ملیۆن دینار بەسەر ڕامی نوری سیاوەیش، کاندیدی کریستیانەکان لە بازنەی هەولێر بسەپێنێت.

 

زانیاریی زیاتر: لە دەقی بڕیارەکەی دەستەی کۆمیسیاراندا هاتووە، سیاوەیش یاسای هەڵبژاردن و سیستەمی بانگەشەی هەڵبژاردن و ڕێساکانی ڕەفتاری پێشێل کردووە.

 

ئەمەش بزانە: ڕامی نووری سیاوەیش، كە بەربژێری كریستیانەكان بوو لە بازنەی هەولێر، توانی بە 6752 دەنگ كورسیی كریستیانەكان بۆ خۆی مسۆگەر بكات و ببێتە یەكێك لەو پێنج پەرلەمانتارەی كە لە پەرلەمانی كوردستان بۆ پێكهاتەكان تەرخان كراوە.