ئەمریكا نیگەرانە لە ناردنی چەک لە ئێرانەوە بۆ سوودان

ئاڤا نیوز

ئەمریکا نیگەرانی خۆی دەربڕی لە ناردنی چەک لەلایەن ئێرانەوە  بۆ سوپای سوودان، ئەو وڵاتەی تووشی شەڕێكی كوشندە بووە لەناوخۆدا.

وێنە گەورەكە: شەڕ و پێكدادانەكان لە سوودان بەردەوامن، بە سەدان كەس كوژراون و ملیۆنان كەسیش ئاوارەبوون، چەك دەگاتە دەست سەرجەم هێزەكان، ئەمریكا دەڵێت "ئێران چەك دەباتە ناو خاكی سوودانەوە و ئاگرەكە خۆشتر دەكات".

لێدوانی فەرميی: جۆن گۆدفرێ، باڵیۆزی ئەمریکا لە سوودان ڕایگەیاند: واشنتن بە قووڵیی نیگەرانە لە پشتیوانی دەرەکی بۆ هەردوو هێزی چەکداری سوودان و هێزی پشتیوانی خێرا".

"ڕاپۆرتەکان سەبارەت بە دەستپێکردنەوەی پەیوەندییەکانی نێوان سوودان و ئێران ،  سەرچاوەی نیگەرانییەکی گەورەیە بۆ ئێمە".

ئەوەی پێویستە بیزانیت: لە ماوەی ڕابردوودا ئەمریكا دوو جار ئێرانی تۆمەتباركردووە بە گواستنەوەی چەك بۆ سوودان و حووسییەكان، ئیسڕائیلیش دەڵێت "ئێران چەك بە گرووپە چەكدارەكان و گرووپە شیعەكانی سووریا و عێراق و لوبنان دەدات". ئێرانیش بێپاكی خۆی دووپاتدەكاتەوە و دەڵێت "ئێمە چەكمان نەنارادووە بۆ هیچ شوێنێك". ئەوەش لەكاتێكدایە ئۆكرایناش ئێرانی تۆمەتبار كردووە بەوەی درۆن دەداتە ڕووسیا.