مامۆستایانی گرێبەست لە زانکۆ و پەیمانگەکان دەستبەکار دەبن

ئاڤا نیوز

وەزارەتی خوێندنی باڵا و توێژینەوەی زانستی، سەرجەم زانکۆ حکومییەکانی هەرێمی کوردستانی ڕاسپاردووە فەرمانی دەستبەکاربوون بۆ وانەبێژان دەربکەن، لە ئەمڕۆوە دەتوانن پڕۆسی بایۆمرتری دەستپێبکەن.

 

وێنە گەورەکە: بە فەرمانی سەرۆکوەزیران مەسرور بارزانی، مامۆستایانی وانەبێژی خوێندنی باڵا گرێبەستیان بۆ کرا، بڕیارە چوار هەزار و 104 مامۆستای وانەبێژ لە زانکۆ و پەیمانگە حکومییەکانی هەرێمی کوردستان دەگرێتەوە، مووچەیان بەگوێرەی بڕوانامەکانیان لە 400  هەزارەوە بۆ ملیۆنێک و 200 هەزار دینار دەبێت.

 

لێدوانی فەرمی: د. توانا نەجەف، سەرۆکی دیوانی وەزارەتی خوێندنی باڵا و توێژینەوەی زانستی بە ئاڤا نیوزی گوت؛ "لە ئەمڕۆوە مامۆستایانی وانەبێژ دەتوانن نووسراوی دەستبەکاربوونیان ببەن بۆ ئەوەی پڕۆسەی بایۆمەتری بکەن، دوای تەواوکردنی ئەو ڕێکارە مووچەی گرێبەستیان بۆ خەرج دەکرێت."