مقاوەمەی ئیسلامی تەحەددای ئەمریکا و ئیسرائیل دەکات

ئاڤا نیوز

 

بەرەی مقاوەمەی ئیسلامی لە عێراق، لەنوێترین بەیاننامەیدا تەحەددای ئەمریکا و ئیسرائیل دەکات و دەڵێت نەوەیەکی تازەی فڕۆکەی بێفڕۆکەوان بەکاردەهێنن بۆ هێرشکردنە سەر ئیسرائیل.

 

زانیاریی بەدەستهاتوو: بە پێی سەرچاوەیەک لەبەرەی مقاوەمەی ئیسلامی لە عێراق، هێزە چەکدارەکانی نزیک لە ئێران ماوەی هەفتەیەکە جۆرێکی نوێی فڕۆکەی بێفڕۆکەوان بەکار دەهێنن، کە بە ئاسانی دەگاتە قووڵایی ئیسرائیل.

 
لێدوانی فەرمی: عەلی فەتلاوی، ئەندامی بزووتنەوەی "ئەنساروڵڵای ئەوفیاء"ڕایگەیاند: سەرەڕای هەڕەشەکانی ئیسرائیل و ئەمریکا، هێزە چەکدارەکانی عێراق بەردەوام دەبن لە هێرشکردنە سەر ئامانج و بەرژەوەندییەکانی ئیسرائیل.

 

زانیاریی زیاتر: فەتلاوی ئاماژەی بەوەش کرد، هەندێک جار وەک تەحەددایەک هێرشەکانیان بۆ سەر ئیسرائیل لەکاتێکدا ئەنجام دەدەن کە چەندین فڕۆکەی بێفڕۆکەوانی ئەمریکی لە ئاسمانی عێراق چاودێری ناوچەکە دەکەن.