کەسوکاری شەهیدان و ئەنفالکراوان زەوی وەردەگرن

ئاڤا نیوز

قۆناغی یەکەمی دابەشکردنی زەوی بەسەر کەسوکاری شەهیدان و ئەنفالکراوان و زیندانییانی سیاسی لە ئەمساڵدا دەستپێدەکات، بەڕێوەبەرایەتيی شەهیدان و ئەنفالکراوانی سلێمانی ئامادەکاریی بۆ پڕۆسەکە کردووە.

 

وێنە گەورەکە: نزیکەی 22 هەزار وارسی خانەوادەی شەهیدان و ئەنفالکراوان و زیندانییانی سیاسی لە وەرگرتنی زەوی سوودمەند بوون، ئەوانەی پێشووتر فەرمانی وەزارییان بۆ وەرگرتنی زەوی هەیە لەو پڕۆسەیە سوودمەند دەبن.

 

لێدوانی فەرمی: ئەدیب لەتیف، بەڕێوەبەری گشتيی كاروباری شەهیدان و ئەنفالکراوانی سلێمانی بە ئاڤا نیوزی گوت، "هەفتەی داهاتوو قۆناغی یەکەمی پڕۆسەکە دەستپێدەکات، 456 وارسی شەهیدان و ئەنفالکراوان زەوییان پێدەدرێت، بەگوێرەی دابینکردنی زەوی قۆناغەکانی دیکە بەردەوام دەبێت."

 

ئەوەی پێویستە بیزانیت: پڕۆسەی دابەشکردنی زەوی بەسەر کەسوکاری شەهیدان و ئەنفالکراوان هەموو هەرێمی کوردستان دەگرێتەوە، بەگوێرەی دابینکردنی زەوی لە شارەوانییەکان پڕۆسەکە دەستپێدەکات.