شێخ دارا: باران دەبارێت و مەترسیی لافاویش هەیە

ئاڤا نیوز

 

شێخ دارا، پێشكەشكاری كەشوهەوای ئاڤا چەند زانیارییەك سەبارەت بە پێشبینییەكان بۆ كەشوهەوای ڕۆژانی داهاتوو ئاشكرا دەكات و دەڵێت، هەینی داهاتوو شەپۆلێكی بارانبارین هەرێمی كوردستان دەگرێتەوە و چەند ڕۆژێك بەردەوام دەبێت.

 

لێدوانی فەرمی: لە کاتژمێر 07:00ـی ئاڤا،  شێخ دارا، پێشكەشكاری كەشوهەوا  ڕایگەیاند: هەشت ڕۆژە چووینەتە ناو وەرزی پایز و لە وەرزی پایزدا گۆڕانكارییەكانی كەشوهەوا زۆر نامۆ و خێران، بەهۆی ئەو شەپۆڵەی كە لە دەریای سوورەوە بەرەو هەرێمی كوردستان و ناوچەكە دێت، ئەگەری دروستبوونی باران و هەورەبروسكەی هەیە و ئەگەر هەیە لافاو لە چەند شوێنێك دروست بێت.

 

لەلایەكی دیكەوە: سەبارەت بە پلەکانی گەرما شێخ دارا دەڵێت، "بەراورد بە ڕۆژانی ڕابردوو پلەكانی گەرما دوو پلە دابەزیون و لە ڕۆژانی داهاتووش لەگەڵ بارانبارین زیاتر دادەبەزن".

 

زانیاریی زیاتر: پێشبینی دەكرێت بارانبارین ڕۆژی هەینی داهاتوو دەستپێبكات و ڕۆژانی شەممە و یەكشەممەش بەردەوام بێت.