لە پێشانگای خانووبەرەی ئەمساڵی هەولێر 120 کۆمپانیای بیانی بەشدار بوون

ئاڤا نیوز

 

وەبەرهێنان لە پرۆژەکانی نیشتەجێبوون لە هەرێمی کوردستان لە قۆناغی گەشەسەندایە و جیا لە کۆمپانیا ناوخۆییەکان، ئێستا لە کۆمپانیا بیانییەکانیش سەرمایەداریی لەو سکێتەرەدا دەکەن.

 

بۆچی گرنگە: ئێستا تەنیا کۆمپانیا ناوخۆییەکان لە بواری نیشتەجێبوون وەبەرهێنان ناکەن، بەڵکو ژمارەیەکی بەرچاوی کۆمپانیای بیانی لە وڵاتەکانی وەک ئەڵمانیا و فەرەنسا و ئیمارات و تورکیا و ئێرانەوە هاتوون و لێرە وەبەرهێنان لەبواری نیشتەجێبوون دەکەن.

 

زانیاریی زیاتر: ئەمساڵ پێشانگای  خانووبەرە  و وەبەرهێنان لە هەولێر بەڕێوەچوو، ڕێژەی بەشداری کۆمپانیا بیانییەکان بەرزبوو، بەجۆرێک لە کۆی 260 کۆمپانیای بەشدار 120 ـیان بیانی بوون و لە 15 وڵاتەوە هاتبوون. 

 

ژمارەکان وادەڵێن: لە کابینەی نۆیەمدا، 49 پڕۆژەی نیشتەجێبوون مۆڵەتیان پێدراوە و گوژمەی تێچوویان چوار ملیار و 172 ملیۆن و 202 هەزار دۆلار بووە، لەم ژمارەیە 28 پڕۆژەی هاوبەش بووە لەنێوان هەرێمی کوردستان و وڵاتانی وەک کەنەدا، هۆڵەندا، سویسڕا، پاکستان، چین و چەندین وڵاتی دیکە کە سەرمایەکەیان زیاتر لە یەک ملیار و 500 ملیۆن دۆلار بووە.