نێچیرڤان بارزانی: ئه‌م هه‌ڵبژاردنه‌ بۆ هه‌رێمى كوردستان زۆر گرنگ بوو

ئاڤا نیوز

 

نێچیرڤان بارزانی پێشوازی لە سەرۆک و ئەندامانی کۆمیسیۆنی باڵای سەربەخۆی هەڵبژاردنەکانی عێراق کرد و ئاماژەی بە گرنگیی هەڵبژاردن بۆ هەرێمی کوردستان دا.

 

 

وێنە گەورەکە: دوای نیوەڕۆی ئەمڕۆ چوارشەممە 30-10-2024، سه‌رۆكى هه‌رێمى كوردستان، پێشوازیی له‌ سه‌رۆك و ئه‌ندامانى كۆمیسيۆنى باڵاى سه‌ربه‌خۆى هه‌ڵبژاردنه‌كان و هه‌موو ئه‌و تيمانه‌ى كۆمسيۆن كرد كه‌ سه‌رپه‌رشتيى هه‌ڵبژاردنى په‌رله‌مانى كوردستانيان كرد.

 

ڕاگەیێنراوی فەرمی: نێچيرڤان بارزانى، سەرۆکی هەرێمی کوردستان ستايشى خزمه‌ت و ماندووبوونی کۆمیسیۆنی له‌ به‌ڕێوه‌بردن و سه‌رخستنى هه‌ڵبژاردن و پرۆسه‌ى ده‌نگداندا لە هەرێمی کوردستان كرد، هاوکات داكۆكى له‌وه‌‌ كرده‌وه‌‌ كه‌ به‌ هه‌موو پێوه‌ره‌كان، ئه‌م هه‌ڵبژاردنه‌ بۆ هه‌رێمى كوردستان زۆر گرنگ بوو.

 

لەلایەکی دیکەوە: نێچیرڤان بارزانی ئاماژه‌ى به‌وه‌ش دا كه‌ سه‌ركه‌وتنى هه‌ڵبژاردن، ئه‌نجامى ڕۆڵ و په‌رۆشى، دڵسۆزى و هاريكاريى كۆمیسيۆن بوو له‌گه‌ڵ هه‌موو لايه‌نه‌ په‌يوه‌نديداره‌كان له‌ هه‌رێمى كوردستان.

 

گۆشەیەکی دیکەی دیمەنەکە: كۆمیسيۆنى باڵاى سه‌ربه‌خۆى هه‌ڵبژاردنه‌كان لە لای خۆیەوە ستايشى ته‌واوى پرۆسه‌كه‌يان كرد كه‌ هه‌ر له‌ بانگه‌شه‌ى هه‌ڵبژاردنه‌وه‌ تا به‌ڕێوه‌چوونى ده‌نگدان پرۆسه‌يه‌كى سه‌ركه‌وتوو بووە، به‌ شێوه‌يه‌ك کە جارى يه‌كه‌مه‌ له‌ عێراق و هه‌رێمى كوردستان، هيچ تانه‌يه‌كى سوور له‌سه‌ر هه‌ڵبژاردن تۆمار ناكرێت.