لە هەرێمی کوردستان 123 پۆند دروستکراون

ئاڤا نیوز

 

دروستکردنی پۆند بە مەبەستی ڕێگریکردن لە قەیرانی ئاو و ڕووبەڕووبوونەوەی وشکەساڵی هەنگاوێکی ستراتیژی حکومەتی هەرێمی کوردستانە لە ماوەی  کابینەی نۆیەم، کار لەسەر ئەوە دەکرێت ڕێژەیان بۆ سەرووی 250 پۆند بەرز بکرێنەوە.

 

وێنە گەورەکە: بۆ کەمکردنەوەی لێکەوەتەی کاریگەرییەکانی گۆڕانی ئاو و هەوا ڕێگریکردن لە قەیرانی ئاوی خاوێن، بەمەبەستی پەرەدان بە کەرتەکانی کشتوکاڵ و ئاژەڵداری، ڕووبەڕووبوونەی لافاو، لە هەرێمی کوردستان 123 پۆند بۆ کۆگاکردنی ئاو دروستکراون کە بە ستانداردی ئەندازیاری و ژینگەیی و جیۆلۆجی، هاوکات 35ی پۆندی دیکە لەژێر جێبەجێکردندان.

 

لێدوانی فەرمی: سەبیحە حاجی، بەرپرسی بەشی بەربەستە خاکییەکان لە وەزارەتی کشتوکاڵ و سەرچاوەکانی ئاو بە ئاڤا نیوزی ڕاگەیاند، "123 پۆند لە هەرێمی کوردستان تەواو بوون کە سنووری هەولێر، سلێمانی، دهۆک، سۆران، زاخۆ، گەرمیان و کۆیە دەگرێتەوە،  51 پۆندیان دەکەونە سنووری پارێزگای دهۆک."

 

زانیاریی زیاتر: لە ئێستادا 35 پۆند لە ژێر جێبەجێکردندان کە 26 هەولێر، دوو سلێمانی و حەوت لە دهۆکن، هەروەها پێشنیازی دروستکردنی 137 پۆندی دیکە کراوە لە کە 45 یان بۆ سنووری سلێمانی دەبێت، 27 هەولێر، 30 دهۆک، 16 گەرمیان، نۆ کۆیە، سێ زاخۆ و حەوت سۆران.

 

ژمارەکان وادەڵێن: ئەو پۆندانەی تاوەکو ئێستا لە هەرێمی کوردستان جێبەجێکراون بەمشێوەیە بەسەر ناوچەکاندا دابەش دەبن:-

هەولێر: 35 پۆند
سلێمانی: 10 پۆند
دهۆک: 51 پۆند
زاخۆ: 8 پۆند
گەرمیان: 13 پۆند
کۆیە: 6 پۆند