ئەنجامی گەڕی دووەمی دەنگدان بۆ هەڵبژاردنی سەرۆکی پەرلەمانی عێراق

ئاڤا نیوز

 

گەڕی دووەمی دەنگدان بۆ هەڵبژاردنی سەرۆکی پەرلەمانی عێراق بە بەشداریی 269 پەرلەمانتار لە نێوان مەحموود مەشهەدانی و سالم عیساوی بەڕێوەچوو.

ئەنجامی دەنگە جیاکراوەکان تاوەکو ئێستا بەمشێوەیە: 

 

مەحموود مەشهەدانی: 182 دەنگ

سالم عیساوی: 42 دەنگ

پووچەڵ: 39 دەنگ

 

چیرۆکی سەرەکی: دوای نزیکەی ساڵێک لە دوورخستنەوەی محەممەد حەلبووسی، ئێوارەی ئەمڕۆ پەرلەمانی عێراق بۆ هەڵبژاردنی سەرۆکێکی نوێ کۆبووەوە، پرۆسەی دەنگدان بەڕێوەچوو و 271 پەرلەمانتار بەشداریی دەنگدانیان کرد، بەڵام هیچ کاندیدێک نەیتوانی دەنگی پێویست واتە 166 دەنگ بەدەست بهێنێت.

 

ئەوەی پێویستە بیزانیت: بەهۆی ئەوەی هیچ یەکێک لە چوار کاندیدەکە ( سالم عیساوی، مەحموود مەشهەدانی، عامر عەبدولجەبار و تەڵاڵ زەوبەعی {کشاوەتەوە}) لە گەڕی یەکەم دەنگی پێویستیان نەهێنا، دەنگدان بۆ هەڵبژاردنی سەرۆکی پەرلەمانی عێراق کەوتە گەڕی دووەم.

 

زانیاریی زیاتر: لە گەڕی دووەم تەنها دوو کاندید کە زۆرینەی دەنگیان هێنابوو (مەحموود مەشهەدانی 153 دەنگ و سالم عیساوی 95 دەنگ) مانەوە و پێویستە یەکێکیان  50+1 دەنگ بهێنێت.