ژمارەی قوربانیانی لافاوەکەی ئیسپانیا بۆ 158 کەس بەرز دەبێتەوە

ئاڤا نیوز

ژمارەی ئەو کەسانەی کە بە هۆی لافاوەکەی ئیسپانیاوە گیانیان لەدەستداوە بۆ 158 کەس بەرز بوویەوە و هاوکات دەیان کەسی دیکە هێشتا بێسەروشوێنن.

 

وێنە گەورەکە: چەند ڕۆژێکە لافاوێکی بەهێز وڵاتی ئیسپانیای گرتووەتەوە، بەجۆرێک شەقام و کۆڵانەکانی ئەو وڵاتەی هاوشێوی ڕووباری بچووک لێکردووە. لافاوەکە هۆیەکانی گواستنەوەی بەتواوەتی  لە هەندێک ناوچە پەکخستووە.

 

ئەوەی پێشبینی دەکرێت: لەلایەکی دیکەوە ئاژانسەکانی کەشناسی هۆشدارییان داوە لەوەی کەشوهشەا ناسەقامگیر دەبێت و زریان و شەپۆلی سەختی کەشوهەوا بەردەوام دەبێت.

 

کاریگەری و لێکەوتەکان: جگە لە زیانی گیانی، لافاوەکە زیانێکی ماددەی زۆری بە باشووری ڕۆژهەڵاتی ئیسپانیا گەیاندووە و هەزاران ئۆتۆمۆبێلی لەگەڵ خۆی بردووە.

 
ئەمەش بزانە: ئەم لافاوەی ئیسپانیا بە زیانبارترین کارەساتی سرووشتیی پێنج دەیەی ڕابردووی ئەوروپا ناودەبرێت.