لێپرسینەوە لە پارێزگاری زیقار دەکرێت

ئاڤا نیوز

ئەنجوومەنی پارێزگای زیقار، وادەی لێپرسینەوەی لە مورتەزا ئیبراهیمی دیاری کرد.

 
چیرۆكه‌ سەرەکییەکە: ئەنجوومەنی پارێزگای زیقار لە ڕاگەیێنراوێکدا باسی لەوە کردووە: بڕیارە 12-11-2024، دانیشتنێکی تایبەت بۆ لێپرسینەوە لە مورتەزا ئیبراهیمی پارێزگاری زیقار لەسەر چەند دۆسێیەک بەڕێوەبچێت .
 
لێدوانی فەرمی: نەغەم شەدر، ئەندامی ئەنجوومەنی پارێزگای زیقار بە ئاڤا نیوزی ڕاگەیاند: بەهۆی کەمتەرخەمی و پابەندنەبوونی پارێزگار بە بڕیارەکانی ئەنجوومەن لێپرسینەوە لە ئیبراهیمی دەکەین.

  

له‌لایه‌كی دیكه‌وه: سەلام فەیاز، ئەندامی ئەنجوومەنی پارێزگای زیقار بۆ ئاڤا نیوز گوت: بڕیار لەسەر لێپرسینەوە لە ئیبراهیمی بە فەرمی دراوە و پرسیارەکانی ئاڕاستە دەکرێت و لەماوەی کەمتر لە دوو هەفتە دەبێت بەفەرمی وەڵامیان بداتەوە.