ئیسرائیل لەلایەن لوبنان بە ڕەتکردنەوەی ئاگربەست تۆمەتبار دەکرێت

ئاڤا نیوز

 

نەجیب میقاتی، سەرۆکوەزیرانی لوبنان، ئیسرائیل تۆمەتبار دەکات بەوەی هەوڵەکان بۆ ئاگربەستی لوبنان ڕەتدەکاتەوە، ئەمەش دوای هێرشەکانی ڕۆژی هەینی ئیسرائیل بۆ سەر باشووری بەیرووت دێ، کە بەهۆیەوە 52 کەس کوژران.

 

ڕاگەیێنراوی فەرمی: ئیسرائیل مەودای ‌هێرشەکانی بۆ سەر ناوچەکانی لوبنان فراوانتر کردووە، جارێکی دیکە گەڕەکی باشووری بەیرووتی کردووەتە ئامانج، هەموو ئەمانە مانای ئەوە دەگەیێنن کە ئیسرائیل هەوڵەکانەی ئاگربەست ڕەتدەکەنەوە.

 

لەلایەکی دیکەوە: وەزارەتی تەندروستی لوبنان ڕایگەیاند، 52 کەس لە هێرشەکەی ڕۆژی هەینی کوژراون، سوپای ئیسرائیل دەڵێت: هێرشەکە بۆ بە ئامانجگرتنی چەکدرانی حیزبوڵڵا بووە. 

 

کاردانەوەکان: بەهۆی بەردەوامی هێرشەکانی ئیسرائیل، یونیفیل دووپاتی دەکاتەوە کە پێگەکانی لە لوبنان دەمێنێتەوە و پنتاگۆنیش جێگیرکردنی توانای سەربازیی زیادە لە ناوچەکەدا ڕادەگەیێنێت.

گۆشەیەکی دیکە: وەزیری بەرگریی ئەمریکا ڕایگەیاندووە، ئەگەر ئێران و  هاوبەشەکانی، یان گرووپە چەکدارەکانی سەر بە ئێران، ئەم دۆخە بقۆزنەوە بۆ بەئامانجگرتنی تاک یان بەرژەوەندییەکانی ئەمەریکا لە ناوچەکەدا، ئەمریکا هەموو ڕێوشوێنێکی پێویست بۆ بەرگریکردن لە گەلەکەمان دەگرێتەبەر.