سەرۆکی پێشووی ڕووسیا: هەڵبژاردنی ئەمریکا هیچ شتێک بۆ مۆسکۆ ناگۆڕێت

ئاڤا نیوز

 

دیمیتری مێدڤێدێڤ، سەرۆکی پێشووی ڕووسیا ڕایگەیاند، هەڵبژاردنی سەرۆکایەتیی ئەمریکا کە ڕۆژی سێشەممە بەڕێوەدەچێت هیچ شتێک بۆ مۆسکۆ ناگۆڕێت.

 

لێدوانی فەرمی: دیمیتری مێدڤێدێڤ، سەرۆکی پێشووی ڕووسیا، جێگری ئێستای سەرۆکی ئەنجوومەنی ئاسایشی ڕووسیا ڕایگەیاند:  ''هەڵبژاردنی ئەمریکا  هیچ شتێک بۆ ڕووسیا ناگۆڕێت، چونکە هەڵوێستی کاندیدی کۆمارییەکان و دیموکراتەکان بەتەواوی گوزارشت شکستپێهێنانی وڵاتەکەمان دەکات''.

 

لەلایەکی دیکەوە: مێدڤێدێڤ گوتی،  ''واشنتۆن دەبێت هۆشدارییەکانی مۆسکۆ بە جددی وەربگرێت بۆ ئەوەی جەنگی جیهانی سێیەم ڕوو نەدات. 

 

زانیاریی زیاتر: ماوەیەکە ڕووسیا هۆشداری دەداتە ئەمریکا و هاوپەیمانەکانی لە ئەگەری هاوکاریکردنی زیاتری ئۆکراینا و ناردنی مووشەکی دوور مەودا بۆ ئەو وڵاتە و بەکارهێنانی دژی ڕووسیا.